Зачленете се во нашиот клуб на читатели и најновите текстови ќе ги добивате на вашата мејл адреса
По вчерашните поројни врнежи од дожд и град е предизвикано зголемување на нивото на Липковска река, што има влијание на системот за водоснабдување. Водата да не се користи за пиење поради неисправност, соопштија од Центарот за управување со кризи.
На Филтер станицата има надојдено над 10. 000 m3 заматена вода што влијае на процесот на прочистување и испорака на истата до граѓаните.
„Од тие причини, во моментот е појавена заматеност на водата во цевководниот преносен систем и е прекината дистрибуцијата до граѓаните, што најверојатно ќе трае во текот на целиот денешен ден, а по потреба, се до моментот на надминување на состојбата“, стои во известувањето на ЦУК до јавноста.
Веднаш е побарано инспекциските служби и Центарот за јавно здравје од Куманово да излезат на лице место, направат увид, земат мостри за анализа и донесат соодветно решение за понатамошна постапка. Истовремено е известена и Општина Куманово за понатамошна постапка, во насока преземање мерки и активности за надминување на состојбата во интерес на граѓаните.
Најавено е дека во 12.00 часот ќе заседава Општински штаб со сите претставници од институции во Општина Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
