Зачленете се во нашиот клуб на читатели и најновите текстови ќе ги добивате на вашата мејл адреса
Базенот кај хотел “Куба“ со години пропаѓа поради нерасчистени имотно-правен односи. Тој е целосно уништен и руиниран, но засега никој не може да стопанисува со него.
Од Секторот за правни работи на општина Куманово велат дека се води судска постапка за утврдување на сопственост на поранешниот Градски базен.
- Со одлука на Влада хотел “Куба“ и придружните објекти во 2000 година се оделени на Општината Куманово. Во меѓувреме се води друга постапка со “Бисерка“ која имотот го предала во сопственост на адвокатот Ѕвонко Јосевски. Со решение на второстепена комисија имотот што е заведен на тоа име се блокира и се уважува жалбата што ние ја поднесовме. Оваа процедура сеуште не е завршена - објаснува Методија Бојковски, раководител на Секторот за правни работи.
Спорот трае повеќе од шест години. Нов градски базен се гради, но него граѓаните ќе го посетуваат идната летна сезона. Во градот има два или три помали базени, но голем дел од граѓаните ќе се разладуваат во реката Пчиња во село Шупли Камен.
Зачленете се во нашиот клуб на читатели и најновите текстови ќе ги добивате на вашата мејл адреса
