Никако да се реши сообраќајниот хаос кај ЗИК

 Дали Општината презема мерки со кои ќе се реши проблемот во тој дел на градот, бидејќи секојдневно сме сведоци на големи проблеми во безбедноста на сообраќајот. Своевремено добив одговор дека училиштето ќе се дислоцира, а времено ќе се реши проблемот со отворање на нов влез од задната страна на зградата- праша Максим Димитриевски, советник на СДСМ.

Градоначалникот Зоран Дамјановски објасни дека зградата на поранешен ЗИК ќе остане училишен простор и нема да добие друга намена. Веќе се очекува согласност од Министерството за транспорт и врски, по што просторот ќе се адаптира за потребите на образованието.

 Што се однесува до временото отварање на нови влезови од задната страна на објектот, ние го подржуваме тоа решение,но таму има тесни грла во улиците, а учениците нема да ги почитуваат прописите. Претпоставувам дека во наредниот период ќе го направиме тоа, со желба да се заштити безбедноста на учениците. Меѓутоа сметам дека тоа решение нема целосно да го отстрани проблемот - одговори градоначалникот.       

Учениците од двете училишта немаат двор во училиштето, поради што поголемиот дел од слободното време го поминуваат на тротоарот и самата улица. Особено е алармантно во време на смените и одморите.

 Се очекува од есен дел од училиштата да бидат префрлени во касарната во Бедиње, со што ќе се намали фрекфенцијата на ученици на така мал простор.