Ниту денеска нема да продолжи седницата на Советот, презакажана за 12 јули

Советниците вчера  „заглавија“ при дополувањето на Дневниот ред со нови точки, а по дадената пауза немаше кворум да се продолжи со работа.

Проблемот нстана  откако  Предлог - одлуката за изменување и дополнување на површини за градење со намена А2 на парцели лоцирани вон централното градско подрачје не доби поддршка од мнозинството советници да биде ставена како дополнителна точка  на Дневниот ред.

СДСМ обвини дека советниците од „Наше Куманово“ намерно ја блокираат работата на Советот  како алиби за незаконско ограничување на површините за градење, со што, освен на инвеститорите, ќе им се нанесе огромна штета  и  на граѓаните. Тие сметаат дека оваа предлог-одлука  директно  се коси со законските одредби од законот за урбанистичко планирање.

Продолжението на 11-тата седница на Советот  ќе се одржи на 12.07.2022 година (вторник) ,во големата сала на зградата на поранешните општествено – политички организации, со почеток во 10:00 часот.