Зачленете се во нашиот клуб на читатели и најновите текстови ќе ги добивате на вашата мејл адреса
Пет дена по исчезнувањето на четири ипол годишниот Дани Мемеди, денеска напладне во потрагата се вклучија и нуркачите од МВР. Во неколку часовното пребарување на реката Кумановка специјалните екипи со чамец и метални шипки го пребаруваа дното на реката, но не најдоа никакви траги кои би упатувале дека детето е во водата.
Акцијата започна од местото каде што семејството претпоставува дека момчето паднало во водата, играјќи се со инвалидската количка, а ќе продолжи на повеќе локации по течението на реката.
Додека нуркачите го пребаруваа теренот, таткото на исчезнатото момче се онесвести, поради што беше пренесен во кумановската болница. Жителите на Средорек очекуваат дека нуркачите да го најдат детето.
-Не најдовме никаква трага до сега, дали е во водата никој не знае. Детето со количката може да биде само во некој џбун, а ако не го најдат, се сомневаме дека можеби детето е украдено- велат жителите.
Доколку е неопходно, во потрагата по детето ќе се вклучи И Дирекцијата за заштита и спасување, рече денеска директорот Шабан Салиу, кој заедно со полициските екипи ја следеше акцијата.
Потрагата најверојатно Ќе биде прекината вечерва, а ќе продолжи во текот на утрешниот ден.
Зачленете се во нашиот клуб на читатели и најновите текстови ќе ги добивате на вашата мејл адреса
