Одбележан Денот на Општина Старо Нагоричане

Пред гостите беше прикажана видео презентација на проектите кои се сработени последнава година како што е тампонирање на неколку патни правци, доделување на еднократна парична помош за студентите во општината, чистење на каналите, реновирање на општинската зграда, изграден скромен дом за бездомник и друго.

Градоначалникот Милован Стојковски нагласи дека иако затекнал лоша финансиска состојба, сепак работите се придвижуваат во позитивна насока.

Оранжериите во Младо Нагоричане и се очекува да стартуваат со работа идната година. Во преговори сме за две инвестиции: првата е фабрика за шешири во с.Старо Нагоричане, италијанска инвестиција и втората изградба на оранжерии од кредитна линија на Израелска влада во с.Младо Нагоричане. Од мртва точка тргна и состојбата со ладилникот во с.Старо Нагоричане, Охридска банка чека потенцијален купувач - изјави Стојковски.

Тој додава дека се поправени и порамнени 30 патни правци, бањата во Стрновац е ревитализирана и се очекува потенцијален концесионер.

Доделени беа и Ноемвриските награди на фирми, поединци, здруженија за нивните достигнувања.

 Последниве 6 години се занимаваме со земјоделство. Почнаваме со сточарство, со овци, а од оваа година се обидуваме и со свињи. Обработуваме 8 хектари земја. Произведуваме пченка, пченица, јачмен. За тешко, да тешко и напорно е, но може да се обезбеди пристоен живот - вели Елизабета Томовска од с.Челопек, избрана за најдобар земјоделец.

Соња Китановска од с.Цетишница е наградена како најдобар студент во општината. Таа дипломирала на Правниот факултет во Скопје.

Пресреќна сум што сум наградена. Наградата многу ми значи. Успехот е важен за секој млад човек. Во скоро време очекувам вработување по струка и се надевам дека ќе напредувам - објаснува Китановска.

 Наградени се и: Ласте Јакимовски од Облавце најдобар сточар, Ненад Павловски од с.Алгуња најдобар земјоделец, најуспешни фирми ДПТУ “Ѓорѓо комерц“ од с.Младо Нагоричане и ЈКП “Козјак“,Стојан Ѓорѓевиќ од с.Старо Нагоричане за уреден двор.

Најуспешно здружение на граѓани е “Извор“, спортист Милена Стефановска од Младо Нагоричане и Мартин Павловски од Жегљане. Сашо Костовски од ОУ “Христијан Тодоровски - Карпош“ во с.Драгоманце е најдобар професор, најдобари основци се Фросина Станковска од Младо Нагоричане и Кристина Гутевиќ од Старо Нагоричане,  средношколец Ивана Ангеловска од Облавце, ученик во Гимназија “Гоце Делчев“. Најдобро организираната месна заедница е од с.Бајловце, полицаец Бобан Тошиќ од с.Никуљане, ловец Ацо Михајловски од Дејловце, риболовец Далибор Ангеловски од Драгоманце, работник во општината е Лила Лазаревска, најдобро организирано е маалото Пиленац од Младо Нагоричане.

Благодарници добија Зоран Павловски од Мултимедијален центар “Карпино„, Зоран Бојковски од “Козајчија во срцето“, Борче Стојковски од “Опен фан фудбал“ и Гуте Стојмановиќ од ФК“Козјак“.