Зачленете се во нашиот клуб на читатели и најновите текстови ќе ги добивате на вашата мејл адреса
На Спомен костурницата на паднатите борци Зебрњак во близина на Куманово вчера беше одбележана годишнината од Кумановската битка, кога во 1912 година била извојувана голема победа над турската војска.
Годинешнава прослава беше во организација на Амбасадата на Република Србија во Македонија, Српската заедница и Општината Старо Нагоричане. Пред споменикот, венци и свежо цвеќе положија претставници на владите на Македонија и Србија, амбасадата на Србија, локални самоуправи, војската на Србија, политички партии, невладини организации и граѓани.
На присутните им се обрати заменикот министер за култура Драган Недељковиќ и амбасадорот Томислав Ѓурин.
Со масовно присуство нa граѓаните се одбележа годишнината од Кумановската битка. Владата на РМ и амбасадата на Србија конечно се договорија за реконструкција и обновување на споменикот Зебрњак, со цел за негово зачувување како сведоштво на едно време. Наредната година кога всушност ќе се одбележат 100 години од Кумановската битка ќе присуствуваат и претстедателите на Македонија и Србија, затоа што овие две земји од секогаш имале добрососедски односи- рече Недељковиќ.
Трета година по ред прославата на Кумановска битка ја финансира Министерството за култура.
Зачленете се во нашиот клуб на читатели и најновите текстови ќе ги добивате на вашата мејл адреса
