Зачленете се во нашиот клуб на читатели и најновите текстови ќе ги добивате на вашата мејл адреса
Општина Куманово ги повикува сите граѓани, кои се социјално загрозени да аплицираат за остварување на правото на користење на народна кујна, која ќе обезбедува еден дневен оброк.
Услугата е обезбедена од страна на Ученичкиот дом „Професор Мијалковиќ“- Куманово, со финансиска поддршка од страна на Општина Куманово.
Лица кои се наоѓаат под најголем социјален ризик, треба да се корисници на гарантирана минимална помош во Центар за социјална работа, лица со многудетно семејство или лица корисници на минимална пензија.
Притоа секое лице може да искористи по еден оброк дневно, кој го подигнува со важечка лична карта. Еден барател може да поднесе едно барање, во кое може да ги наведе и останатите членови на своето семејство како соуживатели на право на користење на народна кујна и за истиот ќе бидат пресметани толку оброци колку што има членови во семејството.
Барањата можат да се подигнат од општинската зграда во поранешен Козјак или од веб страницата на општината и заедно со целосната документација да се достават до општинската архива. Јавниот повик нема временски рок, односно ќе трае цела 2024 година.
Зачленете се во нашиот клуб на читатели и најновите текстови ќе ги добивате на вашата мејл адреса
