Отворена изложба на слики на традиционални носии од Балканот

Преку сликите се претставени социјални статуси на млади девојки, невести од крајот на 19-тиот и почетокот на 20-тиот век. Прикажани се единаесет слики на носии од Србија, Бугарија и Хрватска, поточно од Хрватска се прикажани слики од пределите Конавле, Славонија и Посавина, од Бугарија од Црна Трава, Пчиња и од Самокор, а пак претставена е и една слика од Босна, една од Црна Гора и една од Гњилане.

„На сликите можат да се забележат сличности и разлики со македонските традиционални носии, од неколку етнички предели. Поточно од пределот пред Пчиња, бидејќи етничкиот предел Пчиња е многу поврзан со пределите Средорек, Жеглигово и Славиште. Така што откако ќе забележиме некои делови од носиите од етничкиот предел Пчиња и етничкиот предел Средорек ќе видиме дека некогаш тоа во минатото биле поврзани. Исто така од друг предел ни доаѓа од Црна Трава, која веќе е граница помеѓу Бугарија, Србија и Макeдонија и ако ги следиме обликовните елементи ќе забележиме дека црните фустани се приближно исти како со фустаните од Пчиња и Средорек. Значи, станува збор и дека Црна Трава заедно со Дурачка река и со етничкиот предел источен дел на Славиште некогаш во минатото било еден заеднички предел“ вели етнокореологот Дени Синадиновски од Центарот за култура „Трајко Прокопиев“ во Куманово.

Целта на изложбата е да се престават традиционалните носии на балканот и пред кумановската јавност.

Изложбата на слики на традиционални носии на Балканот започна со промовирање во Центарот за култура во Гевгенија, Центарот за култура во Неготино, во Битола, денеска е во Куманово, а потоа ќе продолжи во Кавадарци, Охрид и други културни центри во државата.

Ансамблот Македонија постои осум години, а ја истражува традиционалната македонска култура. Изминатите неколку годни започна со реализација на проекти за истражување на Балканот.

(Ф.Марковска)