Отворена ликовната колонија Карпино

Оваа година уметниците ќе творат во комплексот Грација, наместо во манастирот Каприно.

 Манастирскиот комплекс Карпино е запуштен и таму нема услови за престој на уметниците. Тие ќе го посетат манастирот во сабота и ќе добијат инспирација за нивните дела. Ќе организираме посети и на други познати локалитети во градот се со цел да се создаде комплетна слика за нашиот регион. Оваа година очекуваме уметниците да создадат над 40 уметнички дела,- вели Зоран Павловски, претседател на Мултимедијалниот центар "Карпино"

Уметниците се задоволни од приемот на организаторите и очекуваат добро дружење и плодна продукција.

За првпат учествувам на колонијата Карпино, а сум учествувала во Пелинце. Покрај тоа што ќе се дружиме со колегите, ќе имаме можност и да размениме концепти. Јас пред еден месец имав изложба на графики, цуклус за човековите, духовните и ликовните вредности, за да не се заборавиме кои сме во оној вртлог на современиот живот. Во таа наскоа ќе творам и на оваа колонија,- рече Валентина Илијевска, графичар.

Делата создадени на колонијата ќе бидат презентирани на изложба во ноември, по повод Денот на ослободувањето на градот.