Патната инфраструктура приотитет во Старо Нагоричане

За дел од патиштата, локалната власт ќе бара средства од Владата, а за дел ќе добие донации од бизнисмените.

"Приоритетно за нас е довршување на патните правци кои ги започнавме минатата година, а кои треба да ги завршиме годинава. За еден месец се очекува да биде пуштен во употреба патниот правец кон село Бајловце во должина од 4 километри, а палнирано е и довршување на патот од селото Стрезовце"- вели градоначалникот Миодраг Јовановиќ.

Во 2012 година ќе се доизградат патиштата кон селата во кои има помладо население, но нема да бидат запоставени ниту патиштата кон планинските села кои ќе се тампонираат.

"Доколку од бизнис заедницата покажат интерес за изградба на нови производни капацитети, тогаш Општината ќе им излезе в пресрет со проект за изградба на патен правец"- додава Јовановиќ.

За изградба, реконструкција и оддржување на патиштата кои ја врзуваат општината Старо Нагоричане со соседните општини, ќе се бараат средства од Агенцијата за патишта.