Зачленете се во нашиот клуб на читатели и најновите текстови ќе ги добивате на вашата мејл адреса
Околу 5000 пензионери од Куманово, наскоро, еден ден во неделата ќе добијат бесплатен превоз во градските автобуси. Тоа најверојатно ќе биде секој четврток, затоа што тогаш е пазарен ден во градот.
Сретствата за покривање на трошоците ќе ги делат локалната самоуправа и автопревозниците, а конечната одлука за реализација на договорот треба да ја даде Советот на Општината.
Ќе почнеме со одобрување од 1000 до 1500 карти, а планирано е да бидат околу 5000, бидејќи имаме околу 13 илјади пензионери во градот, меѓутоа на сите не им е потребен градски превоз. Правото да бесплатен превоз ќе се остварува преку Здружението на пензионерите, и според нивните потреби ќе се зголемува бројот на корисници - рече градоначалникот Зоран Дамјановски.
Општината Куманово ќе биде прва општина што дава таква можност на пензионерите, додека во Скопје тоа беше обезбедено од Владата.
Зачленете се во нашиот клуб на читатели и најновите текстови ќе ги добивате на вашата мејл адреса
