Зачленете се во нашиот клуб на читатели и најновите текстови ќе ги добивате на вашата мејл адреса
Премиерот Димитар Ковачевски со претставиците на Сојузот на пензионерите и Партијата на пензионерите договориле нова методологија според швајцарскиот модел, со кој усогласувањето на пензиите ќе се врзе со по 50 отсто за порастот на трошоците за живот и за просечна плата.
Со новата методологија, пензионерите со просечна пензија која во моментот е 16.300 денари, од септември натаму секој месец ќе имаат просечно 900 денари плус на својата сметка и тоа е рекордно зголемување на пензиите во историјата на Македонија.
Во изјавата за медиумите Ковачевски додаде дека 2022 година за 12 месеци, заедно со директната финансиска помош, во просек пензионерите ќе имаат вкупно годишно околу 12.000 денари плус во буџетот во однос на 2021 година.
Усогласувањето на пензиите, ќе се врши два пати во годината, односно тогаш кога Заводот за статистика ги дава официјалните податоци.
Освен новата методологија, се постигна договор и за пакет интервентна финансиска помош за пензионерите од по 1000 денари во месеците април, мај и јуни.
„Овие дополнителни 3000 денари за овие три месеци, се исклучително добредојдени во овој период на продлабочена криза енергетска криза“, нагласи Ковачевски.
Зачленете се во нашиот клуб на читатели и најновите текстови ќе ги добивате на вашата мејл адреса
