×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Пешачка патека ќе ги поврзува двата плоштади во Куманово

    13.03.2023 08:11 | Оливера Пешевска

    Двата плоштади во Куманово, централниот и пред Центарот за култура ќе се спојат со пешачка патека и ќе претставуваат една целина која дополнително ќе го оплемени централното подрачје. 

    Пешачка патека ќе ги поврзува двата плоштади во Куманово

     Проектот e конципиран во три фази, а ќе започне оваа година со реконструкција на малиот плоштад, за што се обезбедени средства од општинскиот буџет. 

    „Со годинешнава реконструкција ќе се срушат тротоарите меѓу плоштадите и ќе се направи едно цело, големо плато. Плановите се доставени на избраниот изведувач и се надеваме дека ќе се направи решение кое ќе ги задоволи нашите барања и ќе ги исполни очекувањата“, изјави Емилија Сларидис Јаневска, раководителка на Секторот за урбанизам.

    Втората фаза ќе се одвива во делот на т.н. Скопски дуќани и спојување со ул. Ленинова, и последната трета се однесува на ул. Илинденска. 

    „На крајот на овој проект целиот потег ќе биде пешачка зона од почетокот на ул. Илинденска, преку големото плато на двата споени плоштади до Скопските дуќани и улицата Ленинова“, додава Сларидис. 

    На спроведента анкета за одржлива урбана мобилност 71% од анкетираните грaѓани на Куманово ја поддржаа идејата за пешачка зона, а голем дел се изјасниле за целосно затворање на централното градско подрачје.

    „Секаде најубавите и „најскапите“ дуќани се во пешачките зони и по пропишани правила на игра тие ќе имаат непречен проток и дотур на стока во одреден временски интервал“, објаснува Сларидис Јаневска.

    Таа додава дека е неопходно да се сменат навиките на граѓаните, помалку да користат автомобили и повеќе да пешачат, да ги користат бенефитите на природата што значи подобро здравје, поголема кондиција и зачувување на животната средина - почист воздух.

    Роковите за завршување на овој проект ќе зависат од повеќе фактори, но надлежните се надеваат дека тоа нема да трае долго.