Зачленете се во нашиот клуб на читатели и најновите текстови ќе ги добивате на вашата мејл адреса
Четири физички и две правни лица се добитници на Ноемвриската награда за 2023 година, од вкупно 28 предлози доставени до Комисијата за одбележување празници и манифестации и доделување на награди и признанија на Советот на Општина Куманово. Од тоа десет предлози биле за правни субјекти од Куманово и 18 за поединци-физички лица.
Добитници на Ноемвриска награда на Општина Куманово за 2023 година се: д-р Стефан Трајановски, лекар специјалист по ортопедска хирургија, проф д-р Халим Хида, просветен работник и дипломат во пензија, Драган Колебен ликовен уметник, Драган Петровиќ, фудбалер и капитен на футсал репрезентација на Македонија.
„Сите членови на комисијата со едногласна одлука ги избравме годинешниве добитници. На сите им честитаме за наградата“, изјави претседателката на комисијата Невена Величковска-Зиројевиќ
За наградата покрај дипломи, петте добитници ќе го поделат и предвидениот паричен фонд од 100 илјади денари.
Ноемвриска награда за Куманово 2023 во вид на диплома се доделува на следните правни лица: Месна индустрија „Гроздановски“ и КУД "Српски вез" Куманово.
Во комисијата членуваат и советниците: Мирјана Прокиќ Младеновиќ, Дарко Петковски, Дејан Ивановски и Менду Асани.
Зачленете се во нашиот клуб на читатели и најновите текстови ќе ги добивате на вашата мејл адреса
