Зачленете се во нашиот клуб на читатели и најновите текстови ќе ги добивате на вашата мејл адреса
Се уште има активни случаи на пертусис-голема кашлица во Куманово, иако ситуацијата на национално ниво се смирува, вели д-р Јадранка Стаменковска, специјалист епидемилог во Центарот за јавно здравје во Куманово.
„Од 4 до 10 октомври во Куманово се потврдени 5 нови случаи, од вкупно девет во Македонија. Имаме 4 заболени во Куманово и еден пациент од Липково. Повторуваме, вакцинацијата е најбезболниот и најсигурниот начин да се заштити населението и од ова бактерсиска инфекција“, потенцира Стаменковска.
Од првиот регистриран случај во Куманово се евидентирани 97 случаи, Липково 19, во Крива Паланка 14 и во Кратово 18, што значи дека во Североисточниот регион до сега имало 148 регистрирани заболувања од пертусис. Епидемијата не е прекината, а според динамиката ќе трае најмалку до крајот на годината.
Зачленете се во нашиот клуб на читатели и најновите текстови ќе ги добивате на вашата мејл адреса
