Зачленете се во нашиот клуб на читатели и најновите текстови ќе ги добивате на вашата мејл адреса
Поранешниот кошаркар и судија, легенда на македонската и кумановската кошарка, Мирољуб Лалевски - Нини, почина денеска на 85-годишна возраст.
Лалевски е роден во Куманово во 1939 година. Кошаркарската кариера ја започнал во 1952 година како пионер на кошаркарската секција во Друштвото за телесно воспитување „Партизан“, во Соколана. Првиот официјален настап го имал со 16 -години, а во 1960 година ќе бид епрогласен за најдобар стрелец на Зимскиот турнир во Соколана.
Во 1962 година ја започнал судиската кариера и ја делел правдата на кошаркрските терени во Втората сојузна лига, како во најсилната, Прва „А“ лига на Југославија.
Во богатата спортска кариера, беше играч, тренер, судија, технички раководител, возобнувач на клубот од Куманово по повеќегодишна пауза. Беше и претседател на клубот, спортски директор, советник во КК Куманово.
Погребот на Мирољуб Лалевски-Нини ќе биде во сабота, од 14 часот, на градските гробишта во Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
