Зачленете се во нашиот клуб на читатели и најновите текстови ќе ги добивате на вашата мејл адреса
Од 13 часот почна чистењето на снегот од улиците и патиштата во Куманово. Шест машини на фирмата „Кооп-инжинеринг“ од Куманово, која е задолжена за зимско оддржување на улиците го чисти од снегот, кој од утринава паѓа со несмален интензитет, тврдат надлежните.
Според Момчило Јовановски, помошник раководител на Одделението за комунални дејности при Општина Куманово, улиците се прскаат со течност против замрзнување и се фрла сол.
„Засега се е под контрола, чистењето оди според предвидената динамика. Се интервенира по листата на приоритети. Немаме поплаки ниту пријави од граѓаните, ни од жителите на селата дека некаде има непроодни или завеани патишта. Колку сол и течност е истурена ќе знаеме на крајот на денот“, изјави Јовановски.
За зимско оддржување на Куманово предвидени се околу 9 милиони денари, а покрај во градот, фирмата „Кооп инжинеринг“ има обврска да ги чисти и улиците во приградските населби и локалните патишта.
Зачленете се во нашиот клуб на читатели и најновите текстови ќе ги добивате на вашата мејл адреса
