Поевтинуваат бензините и дизелот

За еден денар поевтинуваат бензините од 95 и 98 октани, цената на дизелот се намалува за 1,5 денари, а Екстра лесното масло за горење за два денари, одлучи денеска Регулаторната комисија за енергетика.

Новите, намалени цени стапуваат на сила од вечерва на полноќ на сите бензиски станици во државата.

Највисоките малопродажни цени на нафтените деривати и горива за транспорт, изнесуваат:

- Моторен бензин - ЕУРОСУПЕР БС - 95 - 83,00 (денари/литар)

- Моторен бензин - ЕУРОСУПЕР БС – 98 - 85,00 (денари/литар)

- Дизел гориво - ЕУРОДИЗЕЛ БС (Д-Е V) - 75,50 (денари/литар)

- Масло за горење - Екстра лесно 1 (ЕЛ-1) - 73,50 (денари/литар)

- Мазут М-1 НС - 46,909 (денари/килограм)

Со оваа одлука се врши намалување на малопродажните цени на нафтените деривати во просек за 1,69 проценти. Корекција на цените е поради тоа што референтните цени на нафтените деривати на светскиот пазар во споредба со претходната пресметка бележат намалување, и поповолниот курс на денарот во однос на доларот.