Зачленете се во нашиот клуб на читатели и најновите текстови ќе ги добивате на вашата мејл адреса
Граничниот полицаец Ф.И.(22) од Куманово утринава е ранет од свој колега додека бркале криминалец кој се барал по меѓународна потерница на Интерпол. Повредениот е пренесен во Кумановската болница и се наоѓа вон животна опасност.
Инцидентот се случил утринава во 8.30 часот на граничниот премин Табановце - автопат, кога српскиот државјанин Младен Обрадовиќ (35) од Ќуприја сакал со автомобил „бмв„ да влезе во државата. Во моментот на пасошката патрола, полицискиот службеник видел дека Обрадовиќ е на потерница за провални кражби и кога полицајците тргнале кон возилото тој почнал да бега. Во меѓуграничниот простор полицајците успеале да го стигнат и кога се обиделе да го совладаат тој се спротивставил и го удрил полицаецот кој имал службен пиштол во раката. При тоа оружјето испукало еден куршум и го ранил својот колега Ф.И. во левото рамо.
По апсењето на Обрадовиќ на граничниот премин Табановце пристигнаа и претставници од српската амбасада.
Српскиот државјанин е приведен во кумановската полиција и изведен пред Истражен судија.
Зачленете се во нашиот клуб на читатели и најновите текстови ќе ги добивате на вашата мејл адреса
