Зачленете се во нашиот клуб на читатели и најновите текстови ќе ги добивате на вашата мејл адреса
Полициски службеник вработен на граничниот премин Табановце, отстранет е од работното место и отворена е дисциплинска постапка, затоа што пуштил патник да влезе во државата, без да поседувал валиден ПЦР тест или сертификат за вакцинација.
„Одделот за внатрешна контрола, криминалистички истраги и професионални стандарди поднесе кривична пријава до Специјализирано одделение за гонење на кривични дела сторени од лица со полициски овластувања против А.Б. вработен како полицаец во полициска станица за гранични работи „Табановце“, поради постоење на основи на сомнение за сторено кривично дело „злоупотреба на службена положба и овластување“ казниво по член 353 став 1 од Кривичне законик“, соопштува МВР.
Имено на 21.11.2021 во 10.50 часот на граничен премин „ Табановце“ пријавениот при вршење на пасошка контрола одобрил влез на лице кое не поседувало валиден ПЦР тест или сертификат за вакцинација, при што истиот постапил спротивно на Одлуката за изменување и дополнување на Одлуката за превентивни препораки, времени мерки, наредени мерки, наменски протоколи, планови и алгоритми за постапување за заштита на здравјето на населението од заразната болест ковид-19 предизвикана од вирусот SARS-COV-2.
Против полицискиот службеник изречена е и мерка отстранување од работното место до завршување на дисциплинската постапка.
Зачленете се во нашиот клуб на читатели и најновите текстови ќе ги добивате на вашата мејл адреса
