Полицијата со препораки до родителите за безбедно лето

Родителите на ученици од основни и средни училишта во градот, имаа можност да се информираат како да ги препознаваат дрогите, а Драги Караџински од одделението за невропсихијатрија зборуваше за штетните последици од употреба на дрога.

За жал родителите според некое непишано правило, последни дознаваат дека нивното дете користи наркотични дроги. Доколку навреме се забележи може да се реагира и да се спречи понатамошната злоупотреба - рече Караџински.

Трибината  е дел од проектот „Безбедни училишта„, кој се спроведува во текот на целата учебна година.

И покрај завршувањето на оваа учебна година, полицијата и понатаму ќе работи превентивно и ќе ги инволвира и родителите за да се укажат одредени превентивни мерки, за да се спречат различни злоупотреби, а крајна цел е учениците да  имаат безбедно лето - кажа Виолета Богдановска, раководител на отсек за превенција при СВР Куманово.

На родителите им беше сугерирано при девијантно однесување на младите, случајот да го пријават кај надлежните органи и оваа појава ќе се спречи.