Полициската станица половично ја завршила работата

Реалната состојба е дека нема да застанеме тука. Ќе се преземат мерки за поквалитетно работење, откривање на сторители на кривични дела, на нарушување на јавен ред и мир се со цел следниот извештај да биде уште подобар. Ни претстојат избори и сакам да апелирам партиите да преземат мерки да нема нарушувања - рече Антон Витковски, командир на Полициска станица од општа надлежност Куманово.

Претседателот на советот, Максим Димитриевски му сугерираше командирот да дадат максимум во сообраќајните контроли низ градот, додека координаторот на советничката група на ВМРО - ДПМНЕ, Мирослав Стојановски ја пофали работата на полицијата бидејќи се зголемувал бројот на откриени сторители на кривични дела.