Поскапува бензинот Еуросупер БС-95

За половина денар ќе се зголеми цената на бензинот Еуросупер БС-95, кој  од вечерва на полноќ ќе чини 83 денари за литар, одлучи Регулаторната комисија за енергетика.

И малопродажната цена на мазутот претрпе минимална корекција, а чинењето на нафтата и останатите деривати за сега остануваат непроменети.

Највисоките малопродажни цени на нафтените деривати и горива за транспорт изнесуваат:

- Моторен бензин - ЕУРОСУПЕР БС - 95 - 83,00 (денари/литар)

- Моторен бензин - ЕУРОСУПЕР БС – 98 - 85,00 (денари/литар)

- Дизел гориво - ЕУРОДИЗЕЛ БС (Д-Е V) - 76,50 (денари/литар)

- Масло за горење - Екстра лесно 1 (ЕЛ-1) - 75,00 (денари/литар)

- Мазут М-1 НС - 48,008 (денари/килограм)