Повеќе интервенции на водоводната мрежа во Куманово

На крак од улицата „Трајко Прокопиев“, се реконструира дел од водоводната мрежа поради поголем број дефекти, како и девет приклучоци за објекти и околните приклучни улици. Работи ќе се изведуваат и на улицата „425“ во населбата Иго Тричковиќ, каде се врши приклучување на објект на водоводната мрежа.

Дефекти на водоводната мрежа ќе се санираат и на улиците „Анѓа Ранковиќ“ бр. 5 и „Славиша Вајнер“ бр. 18, додека на Филтер-станицата за вода ќе се врши сервисирање на затворач.

Испитување на водоводната мрежа за прецизно лоцирање на дефекти ќе се врши на улицата „1“ во населбата Карпош, како и на раскрсницата меѓу улиците „100“ и „149“ во истата населба.

(Фото. архива Кумановоњуз)