Повредена 18-годишна девојка, со мопед удрила во жардиниера на „Октомвриска“

Осумнаесет годишна девојка е тешко повредена откако со мопед удрила во жардиниера на бул.„Октомвриска револуција“ во Куманово.

„Несреќата се случила вчера во 10.40 часот кога, А.Н.(18) од Куманово, управувајќи мопед „кимко“ со кумановски регистарски ознаки, изгубила контрола и удрила во бетонска жардиниера. Во несреќата таа се здобила со тешки телесни повреди, констатирани во Општата болница во Куманово. Извршен бил увид од увидна екипа на СВР Куманово“, соопшти МВР.