Зачленете се во нашиот клуб на читатели и најновите текстови ќе ги добивате на вашата мејл адреса
Изгоре една од собите во напуштената зграда на хотел „Кристал“ во центарот на Куманово. Пожарот избувнал синоќа пред 21.30 часот, а најверојатно го предивикало семејство коешто подолго време живее во напуштените соби.
„Територијалната противпожарна единица (ТППЕ) Куманово синоќа интервенираше од 21.30 до 22.30 часот во хотелот Кристал во Куманово. Запалена е една од просторите - соба на кат. Интервениравме со 1 противпожарно возило и 4 пожарникари. Пожарот го предизвикало непознато семејство, кое живее во напуштените соби“, изјавија Деан Иливески, командирот на ТППЕ Куманово.
Тој додава дека ова не е првпат да интервенираат на пожар во напуштените соби на „Кристал“.
Зградата на поранешен „Кристал“ со децении е напуштена и претставува свртилиште на бездомници и зависници од дрога и алкохол, а се користи и за други нелегани работи. По пропаѓањето на АД „Бисерка“ отпочната е стечајна постапка која никако да заврши. Па така, некогашните репрезентативни објекти на ова претпријатие, меѓу кои и овој во центарот на градот, станаа руини и неми сведоци за сомнителната приватизација, која остави пустош зад себе.