Превозниците протестираа против општинската одлука да се отфрлат пријавите за 4 линии, најавуваат жалби и тужби

Нивниот протест уследи откако градоначалникот донесе решение со кое се одбиваат пријавите на превозниците на објавениот конкурс за вршење на превоз на линиите Доброшане- Бедиње, Зелен рид - Железничка станица, Карпош - Железничка станица и Тромеѓа - Бедиње, без да се  почитуваат напатствијата дадени од Министерството за транспорт и врски понудите да бидат прифатени. 

Тоа практично значи дека Општината по оваа одлука планира да распише нов тендер за доделување на спорните линии, но овојпат под нови услови, во пакет со селските линии за кои предходно никој не беше заинтересиран.

„Општината не ги почитува напаствијата од Министерството за транспорт и врски, а со тоа се одлговлекува поспаката на штета на над 20.000 граѓани и околу 2.500 ученици, кои во догледно време ќе останат без превоз. Автопревозниците ќе ги искористат сите правни лекови за да се донесат одлуки коишто ќе бидат во согласност со законските прописи на државата. Ќе следат и жалби, а во овој случај ќе одлучува директно Министерството за транспорт и врски, а неговата втора одлука е конечна и мериторна“, истакна на протестот Виктор Божиновски, законски застапник на дел од превозниците.

Според Божиновски, правилата на игра не може да се менуваат сред натпревар, а спорно е и тоа што еден од превозниците ја немал целосната документација, возен ред и не ги исполнувал потребните критериуми, а и покрај тоа се остава во игра и се фаворизира.