Продавале делови од украдени коли

Двајцата пријатели соработкакта ја започнале пред два месеци, кога Н.Ш. украл голф 4 во населбата Крњево, по што го однел на отпадот на Т.Ж. во село Петровец. Возилото го растуриле и дел од деловите ги продале, а шасијата ја исекле и ја продале во старо железо. Кога полицијата извршила претрес во отпадот најдени се повеќе делови од растурени возила, како моторот од голф. Т.Ж. признал дека со липковецот се запознале во затвор во Скопје, додека издржувале казна и се договориле да крадат, растураат возила и да ги продаваат во деловите. Во отпадот била пронајдена тетратка и два бележника за украдените делови, каде пишувало по колку пари се продадени. При тоа било утврдено дека двајцата незаконски заработиле по 280.000 денари.

 На Т.Ж. му е одредена мерка притвор од 8 дена, а Н.Ш. е во бегство. Против нив се поднесени кривични пријави за сторено кривично дело тешка кражба.