Зачленете се во нашиот клуб на читатели и најновите текстови ќе ги добивате на вашата мејл адреса
Поднесувањето на барања за земјоделски субвенци е пролонгирано до крајот на месецот. Ваквата одлука е донесена поради големата заинтересираност на земјоделците за добивање на финансиска подршка од државата.
Рокот за поднесување на барања во интерес на земјоделците е пролонгиран до 30 јуни. Со оглед на тоа што се работи за најголем регион во Македонија,приемот на апликации во подрачната единица во Куманово се одвива со зголемена динамика така што заклучно со денешниот ден има примено 6870 барања за растително и сточарско производство - вели Ивица Анѓеловски од Подрачната единица на министерството за земјоделие.
Во моментот се врши прием и на документите за кравјо млеко во регистрираните млекарници. Рокот за поднесување на овие барања е до 15 јуни, а заклучно до денес има примено вкупно 370 барања од регионалните млекопроизводители.
Корисници на овие мерки се сите семејни земјоделски стопанства и правни лица кои ги исполнуваат општите услови за аплицирање. Потребно е да се запишани во единствен регистар на земјоделски стопанства кое се води во Подрачните единици на министерството за земјоделство, да имаат поднесено комплетно барање за користење на средства во предвидените рокови, подмирено обврските и надоместоците кои призлегуваат од склучени договори за користење на државно земјоделско земјиште и надоместоците за добиена механизација од програмата за зголемување на производство за храна во Р.Македонија од Јапонска помош.
Зачленете се во нашиот клуб на читатели и најновите текстови ќе ги добивате на вашата мејл адреса
