Зачленете се во нашиот клуб на читатели и најновите текстови ќе ги добивате на вашата мејл адреса
Во Центарот за култура “Трајко Прокопиев“ во петок во 19 часот ќе биде промовиран етно - документарниот филм “Голубарот“ на кустос - етнолог Надица Петковиќ, вработена во Народниот музеј Куманово.
Авторката вели дека преку овој филм сакала да го прикаже одгледувањето на гулаби, пасија типична за многу кумановци која не е прифатена од околината. Таа смета дека околината не треба да имаат предрасуди за луѓето кои чуваат гулаби.
Во филмот нараторот кој е познат по прекарот “Челик“ со една мисла ја отсликува љубовта кон гулабите пред се друго. Навраќајќи се кон минатото од самите почетоци тој ја покажува истрајноста во намерата и се изборил за ова хоби покрај сите потешкотии. Сега е реализиран, блеска од среќа бидејќи гулабите за него претставуваат среќа. Ова хоби во Куманово постои од многу одамна, егзистира и покрај она лошо прифаќање на луѓето од страна на општеството, од страна на останатото население - вели Петковиќ.
“Голубарот“ е снимен во 2011 година, а досега е прикажуван само на фестивал за етнолошки филмови во Кратово каде добил позитивни оценки од останатите учесници.
Промотор на филмот ќе биде д-р Владимир Боцев, советник етнолог во НУ Музеј на Македонија.
Петковиќ досега снимила три етнолошки филмови.
Зачленете се во нашиот клуб на читатели и најновите текстови ќе ги добивате на вашата мејл адреса
