Зачленете се во нашиот клуб на читатели и најновите текстови ќе ги добивате на вашата мејл адреса
Претставници од Центарот за развој на Североисточен плански регион и Областната администрација Ќустендил денеска го промовираа проектот од ИПА фондови за меѓугранична соработка меѓу Македонија и Бугарија.
За проектот “Зајакнување на капацитети за заедничка економска соработка на Регионот Ќустендил и Североисточниот плански регион„, кој вреди 94.520 еура, потпишан е договор на 20.минатиот месец, а треба да се реализира за една година.
„За да ги зајакнеме капацитетите за заеднички иницијативи за прекугранична економска соработка во двата гранични региона, преку дефинирани активности ќе се обидеме да дојдеме до резултати кои меѓу другото се и: стратегија за заедничка прекугранична економска соработка на Областа Ќустендил и Североисточниот плански регион со Акционен План,прекуграничен интернет портал за економска соработка,прекуграничен економски форум - по еден во двата региона и набавка на сет опрема за видео конференции за двата региона- вели Младен Протиќ директор на СИПР.
Целни групи на проектот се малите и средни претпријатија, како и големите индустриски капацитети, бизнис асоцијации, трговски комори, како и вработените во општините задолжени за Локалниот економски развој.
Одговорни за програмата се Министерството за Регионален Развој на Р. Бугарија во соработка со Министерството за Локална Самоуправа на Р. Македонија
Зачленете се во нашиот клуб на читатели и најновите текстови ќе ги добивате на вашата мејл адреса
