Промовирани позитивни практики од новите методолошки техники во градинката „Ангел Шајче“

„Ангел Шајче“ е избрана за пилот градинка во која се спроведува оваа програма која овозможува баланс на развој на когнитивните вештини и писменоста, со посебно внимание на емоционалниот и социјалниот развој, со примена на нови алатки, стратегии и техники.

Целта е да се подобри квалитетот на предучилишното образование и да се дизајнира програма за воспитувачи во предучилишните установи за подобрување на нивните компетенции и на условите во градинките, за да може децата да развијат свест за својата личност и да научат да ги ценат различностите кај луѓето и околината.

Во програмата се вклучени и семејствата, со што децата имаат можност и дома да продолжат со активности.

Активностите се во согласност со важноста за рано учење и развој, а програмата “Социјална кохезија и културен дијалог” ја спроведува Министерството за труд и социјална политика на РСМ, со поддршка на УНИЦЕФ и амбасадата на Велика Британија.