Зачленете се во нашиот клуб на читатели и најновите текстови ќе ги добивате на вашата мејл адреса
Во ОУ “Браќа Миладиновци“ денеска е промовирано списанието “Од другарче за другарче“, како завршница на тримесечен проект.
Ова е завршен дел од мултикултурните активности. Беа организирани работилници, учествуваа поголем број ученици, повеќе од 150 ученици. Децата научија нешто повеќе за себе, да ја слават различноста - вели Славица Клековска, дефектолог во училиштето.
Проектот ќе придонесе за создавање на клима без предрасуди. Децата имале можност да посетат домаќинство во Старо Нагоричане, посетиле ромска куќа во Средорек, џамија, како и манастирот во Крива Паланка.
Во Старо Нагоричане посетивме една баба која ни ги раскажа обичаите како се слави Ѓурѓовден и Велигден. Го посетивме манастирот Свети Јоаким Осоговски во Крива Паланка. Бевме и во ромската населба Средорек - рече Милош Јовановиќ, ученик во седмо одделение.
Проектот е поддржан од Програмата за образование на Роми на УСАИД и ФООМ.
Зачленете се во нашиот клуб на читатели и најновите текстови ќе ги добивате на вашата мејл адреса
