„Првомајски пикник„ во Студена Вода

 Пикникот е замислен како општонародна веселба на која се поканети дувачки оркестри од Штип, богата културно-уметничка програма, натпреварување во традиционалните кумановски игри:  на зенгију, фрлање на камен од рамо и др.

За посетителите е обезбеден превоз и ручек, а ќе бидат поставени и шатори за продажба на храна.

Се очекува на манифестацијата да присуствува поголем број на граѓани поради што на пикникот ќе бидат поставени контејнери за смет, возило на прва помош, противпожарно возило и паркинг.

По повод првомајските празници, за викендот ќе бидат посетени и другите излетнички места во Куманово и Старо Нагоричане.Традиционално, кумановчани организирано заминуваат во спортско-рекреативниот центар „Пелинце„ и во селата по течението на реката Пчиња.