Зачленете се во нашиот клуб на читатели и најновите текстови ќе ги добивате на вашата мејл адреса
Над 7 милиони денари одвои Општината за финансирање на културните манифестации во Куманово. Пари се доделени на веќе реномирани и традиционални манфестации, но и за 30 нови содржини.
Раководителот на Секторот за култура и спорт Александар Крстевски кажа дека на конкурсот се пријавиле 95 јавни установи, здруженија на граѓани и фондации, а поддршка добиле 67 проекти. Останатите 28 не ги исполнувале условите по правилникот и затоа се елиминирани.
„Вкупниот износ на средствата изнесува 7.030.000 денари, а одлуката за распределба на средствата ќе биде истакната на веб-страната на Општината. Како општина се стремиме да ја издигнеме културата на многу повисоко ниво со што би ги потикнале сите кои се занимаваат со култура да развиваат проекти и така ќе ја надградуваат културата во Општината“, изјави Крстевски.
Најмногу средства доби Тамбурашкиот фестивал во износ ос 750 илјади денари или 12,5 илјади евра.
Распределба на средства преку јавен конкусрс се врши за првпат во Општината, додека предходните години тоа го правеше Секторот за култура.
Програмата поминала на седница на Советот на Општина Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
