Зачленете се во нашиот клуб на читатели и најновите текстови ќе ги добивате на вашата мејл адреса
Општинската организација на СДСМ ги обвини градоначалникот Максим Димитриевски и ВМРО-ДПМНЕ за недомаќинско и неодговорно работење, а како пример ја посочи реконструкцијата на малиот плоштад во Куманово, која започна во јануари минатата година.
„Градот секојдневно тоне во сивило и безидејност, а денешниот изглед и начин на реконструкција на плоштадот Маршал Тито, кој е еден од позначајните белези на Куманово е еклатантен пример за неодговорното владеење на Максим Димитриевки и ВМРО-ДПМНЕ“, кажа Драгана Коцевска, од СДСМ.
Таа потсети дека е потрошена огромна сума на народни пари, прво во износ 774.000 евра, па уште дополнителни 65.000 евра за атмосферска канализација и канделабри.
„Плоштадот е направен крајно аматерски, со гранитни плочки со различита боја и висина по кои граѓаните тешко се движат. Подолго време гледаме дека нема градежни работи. Додека траеја градежните работи не се водеше сметка за безбедноста на граѓаните а денес малиот плоштад е оставен така, без никакви заштитни мерки. Не знаеме дали е завршен,и до кога ќе трае оваа агонија. Не знаеме колку ќе не чини сите нас недомаќинското и неодговорното работење на градоначалникот во заминување Димитриевски. Не знаеме ни советниците од локалната владеачка коалиција до кога ќе бегаат од расправа за оваа тема“, додаде Коцевска.
Зачленете се во нашиот клуб на читатели и најновите текстови ќе ги добивате на вашата мејл адреса
