Зачленете се во нашиот клуб на читатели и најновите текстови ќе ги добивате на вашата мејл адреса
Изразуваме благодарност што во Општина Куманово се изучува рускиот јазик како никаде во државата. Русија останува посветен пријател на вашата земја и ние сме подготвени за конструктивна взаемно корисна соработка, истакна амбасадорот на Руската Федерација во Македонија, Сергеј Александрович Баздникин при денешната посета на Куманово.
На средбата со градоначалникот Максим Димитриевски и други претставници од двете страни се разговарало на повеќе теми, а пред се за понатамошното унапредување на образовната соработка, економијата и земјоделието.
„Имаме голем број на студенти од Куманово кои го усовршуваат своето образование на државни универзитети во Русија, стипендирани од Руската Федерација. Ќе го посочам и примерот на соработка на СОУ Гимназија „Гоце Делчев“ од Куманово со 13-тата Гимназијата од Санкт Петербург. Во иднина би можела да се зголеми размената и соработката помеѓу основните и средни училишта од двете страни“, истакна Димитриевски.
На средбата се разговараше за досегашната и идна соработката помеѓу компании од Куманово и од Русија, како и поврзување и размена и во областа на земјоделството.
Амбасадорот Баздникин потенцираше дека Руската федерација безусловно ја признава самостојноста и автентичноста на македонскиот јазик, историја, култура и идентитет , а ги вклучува и заедничките вредности на двете земји, како што е антифашистичката борба.
Зачленете се во нашиот клуб на читатели и најновите текстови ќе ги добивате на вашата мејл адреса
