Зачленете се во нашиот клуб на читатели и најновите текстови ќе ги добивате на вашата мејл адреса
Трајко С.(43) од Куманово, предпладнето со неколку куршуми од пиштол ја убил сопругата Гордана С.(27) и нејзиниот роднина Марјан Д.(47) во неговиот стан на улицата „Драган Стопаревиќ„ во Куманово.
Крвавата пресметка се случила во 11.30 часот, кога Трајко во алкохолизирана состојба не и дозволувал на сопругата да замине со роднината. Соседите прво слушнале расправија, а потоа и неколку истрели од оружје. Веднаш била повикана полиција и брза помош, но Гордана починала на лице место. Марјан бил пренесен во кумановската болница, но и тој им подлегнал на повредите.
Соседка од продавницата кажува дека Гордана утринава дошла кај неа и купила два кофери за да си ги спакува работите. Младата жена кажала дека неможе повеќе да живее со сопругот и ќе си замине од станот, бидејќи по неа дошол нејзин роднина за да и ги пренесе работите. Само 15 минути откако си замина се слушнале истерели.
Трајко откако го извршил убиството излегол на тераса, го фрлил пиштолот во паркот пред зградата, а потоа запалил цигара.
Тој работел како стражар и пиштолот го поседувал со дозвола. Соседите кажуваат дека често пати го злоупотребувал, пукал без причина и ја малтретирал жената, поради што тие пријавувале во полиција. Имаат неколку месечно бебе, а Гордана од првиот брак уште две деца.
Зачленете се во нашиот клуб на читатели и најновите текстови ќе ги добивате на вашата мејл адреса
