Сања Јакимовиќ - Петковска е нова директорка на ЈП „Куманово-план“

Доаѓа на испразнетото место на нејзиниот сопартиец од ВМРО-ДПМНЕ, пратеникот Бобан Николовски. На новото работно место е од вторник, кога и го добила решението за назначување на функцијата.

„План е и би сакала претпријатието да продолжи со успешно финансиско работење, со спроведување на започнатите проекти, но и барања за проектирање на нова планска документација. Сериозно ја сфаќаме нашата задача, и интензивно ќе работам и се надевам ќе придонесам во планирање, урбанизација и естетско разубавување на Куманово“, истакна директорката Јакимовиќ- Петковска.

Таа зад себе има 13- годишно работно искуство во струката, во најголем дел како раководител на правната служба на многу успешна транспортна фирма од приватниот сектор. Јакимовиќ- Петковска е секретар во општинскиот комитет на ВМРО-ДПМНЕ Куманово.