Зачленете се во нашиот клуб на читатели и најновите текстови ќе ги добивате на вашата мејл адреса
Генералниот секретар на СДСМ, Љупчо Николовски во вечерашното гостување во емисијата „21 Анализа“ на ТВ21 најави дека партијата ќе се обиде да го врати градоначалникот на Куманово Максим Димитриевски во своите редови.
„СДСМ ќе влезе во постапка во која ќе извлече поуки, ќе донесе многу одлуки. Затоа што во партијата има и луѓе кои не се партиски членови, а се ставени во позиции да носат одлуки за граѓаните. СДСМ ќе направи се преку сите процеси и промени, и верувам дека овој предизвик пред кој се наоѓаме ќе го решаваме сите заедно и дека обединети, со многу промени и детектирани слабости, ќе биде партија целосно подготвена за следните предизвици“, кажа Николовски.
На прашањето дали тоа значи дека дека ќе се обидат го вратат Димитриевски, Николовски одговори дека ќе се обидат да го направат тоа.
Димитриевски победи на локалните избори како независен кандидат, откако СДСМ не му даде поддршка за втор мандат.
Зачленете се во нашиот клуб на читатели и најновите текстови ќе ги добивате на вашата мејл адреса
