СДСМ започна постапка за предлагање на кандидати за пратеници

Постапката ќе трае два дена во кои ќе бидат посетени сите месни одбори во општината.

Мислењето на општинската база е многу важно кој од кумановското СДСМ ќе биде репрезент на политиките на општинската организација и кој достојно, квалитетно и одговорно ќе ги брани боите на СДСМ во Собранието на Република Македонија.  Постапката ќе трае два дена и ќе бидат посетени сите 90 месни одбори во Куманово. При крајот на неделата ќе се состане извршниот одбор и ќе направи листа од предложени кандидати, која потоа ќе се прати на усвојување од централното партиско раководство во Скопје. Ние како најголема општина и поголема општинска организација во Македонија ќе пратиме поголема листа, а воедно имаме навистина квалитетни и соодветни кадри за пратеничките листи - изјави Мартин Костовски, претседател на СДСМ Куманово.

Костовски очекува дека на листата во изборната единица 2 ќе  добијат поголем број на добитни места за пратеници, кои во идниот состав на парламентот ќе ги застапуваат интересите на градот.