Се гради канализација во Багрем бања

 Проектот предвидува со оваа мрежа да бидат опфатени и населбите Средорек и Бавчи.

Kанализационата мрежа е во должина од 2,5 километри, при што прво ќе се изгради секундарниот вод, а потоа и колекторскиот систем во селото Проевце. Со тоа ќе се реши канализационото приклучување на овој дел на градот. Со новиот колектор ќе се приклучат и населбите Бавчи и Средорек, со што ќе се реши деценискиот проблем и на овие жители-изјави градоначалникот Зоран Дамјановски.

Проектот чини околу 10 милиони денари, од кои еден милион се обезбедени со помош на  министерот Неџат Мустафа, а останатите од општинскиот буџет. При денешната посета на населбата,министерот и градоначалникот најавија дека по завршување на фекалната канализација ќе се работи на изгрдба на патната инфраструктура и пешачкиот моста, со што ќе се реши проблемот на граѓаните за поминување на реката Липковка.