Се изврши првото авионското прскање против комарци во Куманово

Со прскањето беа опфатени течението на реките Кумановка, Липковка и Којнарка, месните заедници Бабин Дол и Тоде Мендол,  централното градско подрачје и кај прочистителната станица ЈП „Водовод“ во с. Доброшане.

Општина Куманово за оваа година одвои 2,3 милиони денари (околу 37.000 евра) за заштита од инсекти и глодари.

За авиотретирање предвидени се 1.692.000 денари без ДДВ за три прскања, додека за дезинсекција, дезинфекција и дератизација вредноста на договорот е 675.000 денари без ДДВ.

За авионското прскање е ангажирана фирмата „Бониер“, додека услугите од земја ги дава „Плант медика“, двете од Куманово.