Се збратимија Старо Нагоричане и Добровник

Нашите општини се многу слични и поради тоа дојде до ова поврзување. И населението во општината Добровник претежно се занимава со земјоделие, но тие во развојот се многу понапред од нас.Поради тоа ние ќе ги користиме нивните искуства и примери за успешно организирање и искористување на постоечкиот потенцијал. Нашата соработка ќе се однесува во искористување на геотермалните води, заеднички настапи пред европските фондови, помош во развој на земјоделството, развој на туризмот и  размена на искуства во функционирање на општините - вели градоначалникот Јовановиќ.

Во словенечката делегација допатуваа и советници кои се сретнаа со своите колеги и разговараа за функционирањето на советите. Во дводневната посета гостите од Словенија ги посетија: црквата „Св Ѓорѓи“, бањата Стрновац, фабриките „Стилком“ и „Бонум“, комплексот Етно село и мегалитската опсерваторија Кокино. Тие се пријатно изненадени од туристичкиот потенцијал на општината и веруваат дека со издржани проекти ќе  се допринесе за побрз развој на општината.

Општината Добровник се наоѓа на границата со Унгарија, има околу 2000 жители, а зафаќа површина од 30 километри квадратни.