Седми Парламентарни избори

Според податоците кои ги објави Државната изборна комисија, на предвремените парламентарни избори право на глас ќе имаат вкупно 1.821.122 граѓани во Република Македонија и 7.258 во странство.

Во Изборната единица бр. 1 во единствениот избирачки список запишани се 302.864, во втората изборна единица - 312.720, во третата - 291.140, во четвртата - 292.596, во петата - 303.686 и во шестата изборна единица се регистрирани 318.116 гласачи.

Тие своето право глас ќе можат да го дадат за една од 18-те кандидатски листи кои учествуваат на изборите. Гласањето кое ќе се одвива на 2976 избирачки места, ќе почне во 7 часот и ќе трае до  19 часот.

Изборниот процес ден порано  заврши во дијаспората, а вчера гласаа раселените, болните лица и затворениците.

Предвремените парламентарни избори ќе ги следат 7.830 набљудувачи.