Зачленете се во нашиот клуб на читатели и најновите текстови ќе ги добивате на вашата мејл адреса
Семафорите на крстосницата на улиците „11 Октомври„ ,„Доне Божинов „и „Гоце Делчев„ денеска беа пуштени во употреба. Но, наместо да создадат ред во сообраќајот, на крстосницата владееше вистински хаос.
Поради паркираните возила на третата коловозна лента на трите улици, возачите не можеа прописно да се исклучуваат и вклучуваат на крстосницата. Тоа создаваше метеж и застој во сообраќајот, поради што возачите нервозно реагираа и бараа полицијата да интервенира.
Точно е дека се паркирани возилата на двете улици и покрај постоењето на сообраќајни знаци. Поради тоа настана и хаосот. Ги известивме надлежните во МВР да ги тргна возилата и се надевам дека до утре ќе го сторат тоа. Денеска несовесните возачи ќе бидат толерирани, но од утре ќе се казнува неправилното паркирање и ќе се ослободат зафатените ленти. Доколку не се стори тоа семафорите нема да ќе ги дадат посакуваните резултати- вели Момчило Јовановски, помошник раководител во СУКР.
Проектот е финансиран од буџетот на Општината и чини 1 милион денари. Во истовреме Локалната самоуправа работи на проект за постваување на семафори на булеварот „Октомвриска револуција„. Тука се одвоени средства во висина од 3 милиони денари , а се очекува да бидат пуштени кон крајот на летото.
Зачленете се во нашиот клуб на читатели и најновите текстови ќе ги добивате на вашата мејл адреса
