Шест граѓани побарале бесплатна правна помош

Граѓаните имаа можност да добијат правна помош и совети од тим на адвокати, судии, нотари, медијатори, извршители и други претставници од Министерството за правда.

Најголем дел од заинтересираните странки кои денеска го посетија нашиот суд, и побараа правна помош се самохрани мајки. Тие се интересираа на кој начин да решат одредени проблеми, и како да ја остварат бесплатната помош. Во судот, покрај стручните лица присуствуваа и ученици од средните училишта од градот кои се запознаа со нашата работа. Со овие средби сакаме да ја зголемиме транспарентноста на судот и да се доближиме до граѓаните "- вели претседателот Сефер Мехмети.

Драган Ѓаковски, адвокат во тимот за бесплатна правна помош, вели дека граѓаните не се докрај запознаени со можноста за остварување на бесплатна правна помош и затоа интересот на граѓаните засега е многу мал, со  оглед на големината на Општината.

"Сите кои бараат бесплатна правна помош треба во подрачното единица на Министертвото за правда да поднесат барање и докуметни, по што ќе се утврди  дали ги исполнуваат условите. Правото за бесплатна правна помош го утврдува министерот, а се предава на адвокат кој со решение ја застапува странката. Во секој град постои тим за пружање на ваквата помош"- додава Ѓаковски.