Скопјанец фатен со 318.000 евра на Табановце

Возачот не пријавил ништо, но по направена контрола во торбица на задното седиште се откриени парите кои скопјанецот сакал нелегално да ги пренесе во Србија.

Според нашите првични информации овие пари се дојдени од Скопје. Знаеме дека е поврзано со претходно излезен автомобил на српски државјанин од Ниш или од околината кој пријавил 10.000 евра, поради што се сомневаме дека се поврзани двата случаи. Истрагата продолжува, и против лицата ќе бидат поведени соодветни постапки. Парите ќе се депонираат во трезорот на Народна банка. Откако ќе заврши постапката, доколку заврши во корист на државата парите ќе бидат сопственоста на државата - изјави Ванчо Каргов, директор на Царинска управа на Македонија.

Се претпоставува дека парите се земени во еден од попознатите ресторани во Скопје.