Слепите лица тешко доаѓаат до работа

Тие се образуваат во училишта во Скопје за работа со компјутер, во картонажа, физиотерапија, работа во кол- центар или печатница, но работа тешко наоѓаат.

Државата дава поволности за вработување на лице со инвалидност од 20 до 40 просечни плати, a работодавaчите се ослободени од придонеси. Но често има злоупотреби, па слепите лица седат дома и на крај ќе ги поделат парите. Имало случаи да работат луѓето и да не добијат плата или цела плата им се исплаќа на сметка, а потоа половина од парите враќаат во фирмата - вели Коце Витанов, секретар во Здружение на слепи Куманово.

Во здружението од североисточниот регион се регистрирани 167 лица со оштетување на видот од над 90 отсто.

Тие чекаат вработувања и се надеваат дека надлежните ќе се ангажираат за надминување на овој проблем.